झण्डै दुई तिहाइ सिट जितेको राष्ट्रिय स्वतन्त्र पार्टीले आगामी सरकार गठनको तयारीलाई तीव्र पारेको छ। हालै सम्पन्न प्रतिनिधि सभाको निर्वाचनमा रास्वपाले प्रत्यक्षतर्फ १२५ र समानुपातिकतर्फ ५७ सिट जितेको छ। सरकार बनाउन झण्डै दुई तिहाइ बहुमत प्राप्त गरेको रास्वपाले गैर सांसदलाई मन्त्री बनाउन लागेको बिषयमा बाहिर टिका टिप्पणी र चर्चा परिचर्चा शुरु भएको छ । तर विभिन्न विज्ञहरुसँग सरसल्लाह पछि वालेनले प्रत्यक्ष निर्वाचित सांसदहरुबाटै विज्ञताका आधारमा मन्त्रीमण्डल बनाउने निष्कर्षमा पुगेको वालेन निकट स्रोतले जनाएको छ ।
बिज्ञापन
बाहिर चर्चा गरिएझैं गैरसांसदलाई मन्त्री बनाउन लागिएको हल्लामा कुनै सत्यता नभएको वालेन निकट रहेर काम गरिरहेका ती नेताले जनाएका छन् । रास्वपाको वाचापत्रमा समेत गैरसांसदलाई मन्त्री बनाउने एजेन्डा समावेश छ । तर, अहिलेको संवैधानिक प्रावधानमा परिमार्जन नगरिकन त्यो सम्भव नहुने निष्कर्षमा बालेनको टीम पुगेको हो । बाह्य विज्ञ ल्याउने योजना कानुनी र राजनीतिक जटिलताका कारण सफल नहुने हुँदा रास्वपाबाट प्रत्यक्षतर्फ निर्वाचित विभिन्न क्षेत्रका विज्ञ सांसदहरूलाई मन्त्री बनाउनुपर्ने निष्कर्षमा रास्वपा र वालेन पुगेका छन् ।
बिज्ञापन
सांसदहरूमध्येबाटै क्षमता र विज्ञता हेरेर मन्त्रीको नाम छनोट हुने जनाइएको छ । स्रोतका अनुसार बालेनले मन्त्रालयको संख्या भने घटाउन चाहेका छन् । रास्वपाको वाचापत्रमा समेत संघीय मन्त्रालयको संख्या १८ मा सीमित गर्दै विज्ञ मन्त्री र विशेषज्ञतामा आधारित कर्मचारी प्रशासनको नयाँ मानक स्थापना गर्ने उल्लेख छ । रास्वापाले सार्वजनिक गरेको वाचा पत्रको १७ नम्बर बुँदामा यस्तो बुँदा राखिएको छ ।
हाल सरकारमा अधिकतम २५ जना मन्त्रीहरू रहन सक्छन् । मन्त्रालयको संख्या भने अहिले २२ वटा छ । बालेनले यसलाई १४ बढीमा १५ मा झार्न चाहेको उनीनिकट एक नेताले जानकारी दिए ।
बिज्ञापन
